O GROVE > Esta mañá o alcalde de O Grove visitaba as instalacións do Obradoiro de Emprego Monte das Flores. Tanto o dirixente meco como os representantes do goberno municipal puideron asistir a unha clase de albanelería, fontanería e cantería, ademais de coñecer como se está a desenvolver a obra dunha nova fonte que lucira pronto na cidade.

O GROVE >Continúan as manifestacións das traballadoras da empresa Afageme as portas das instalacións de O Grove. Hoxe as delegadas sindicais nos comunicaban que o vindeiro luns as doce do mediodía reuniranse xunto co concello, e a empresa,  coas diferentes Consellererías en Santiago. Ata entón continuaran en pé de guerra.

O GROVE> Un rapaz de quince anos de idade arroxouse dende unha antiga canteira no Concello de O Grove. Nas inmediacións do lugar do suceso atopouse a bicicleta e unha mochila que contiña unha carta despedíndose da familia e amigos. Supostamente a vida deste neno era completamente normal polo que ninguén se explica o sucedido.

RIBEIRA > O departamento de Cultura e Festexos do concello de Ribeira ten preparado un variado e amplo programa de actos de cara ás Festas do Nadal, coa intención de cubri-las necesidades de tódolos públicos. O responsable da área, Luciano Fernández, explicou os detalles desta programación.

SANXENXO > O goberno municipal de Sanxenxo decidiu levar a pleno a ratificación da aprobación definitiva de trece solos urbanizables e dous PEI. A tramitación xa pasou antes pola alcaldía e pola Xunta de Goberno Local pero existe ambigüidade sobre a quen compete esta materia. Unha decisión que xa espertou as críticas do BNG.  

ILLA DE AROUSA > Estar alerta e implicarse na prevención do consumo de drogas, foron as mensaxes que se puideron escoitar onte no Outono Preventivo da Illa de Arousa. Nesta ocasión reuníronse nunha mesa redonda docentes e ANPAS do colexio e do instituto, do SPAD de Vilagarcía e de Illaeduca para defender a familia como axente preventivo.

PONTEVEDRA > O Pontevedra Club de Fúbtol segue recollendo colaboracións de diversas entidades. Logo de asinar o convenio con Ence o xoves facíao con Caixanova. A entidade financeira destina a mesma cantidade que na pasada tempada, pese a que o club baixou de categoría. O financiamento de Caixanova destinarase sobre todo a manter o patrocinio das categorías inferiores do Pontevedra.

RIBADUMIA > Os nenos de Ribadumia terán actividades practicamente tódolos días do Nadal. O concello deu a coñecer o xoves o programa que inclúe talleres e obradoiros, teatro, maxia e concertos. Como novidades, destaca unha festa infantil de fin de ano e a cabalgata de Reis, que este ano se fará no entorno da casa consistorial.