BOIRO > A empresa Fermín Simal López vén de inicia-las obras da segunda fase para a implantación de colectores no Río Breiro, actuación coa que queda rematado definitivamente o proxecto.

BARBANZA > A adxudicación das obras da autovía do Barbanza realizarase durante o mes de xaneiro, o que constitúe unha demora con respecto á data fixada inicialmente para o trinta de novembro. O motivo do retraso é a solicitude dun novo informe técnico que servirá como elemento de contraste para que a Administración tome a decisión máis axeitada. Así mesmo, a Xunta está a negociar a creación de infraestruturas para a implantación das canalizacións de gas natural e fibra óptica no Barbanza.

CAMBADOS > A policía científica continúa inspeccionando a zona onde foron asasinados os dous curmáns cambadeses. O lugar de rastrexo foi ampliado para atopar novas probas que den cos autores dos asasinatos. Na investigación será clave a muller de Ricardo Feijoo.  

CAMBADOS > Xa descansan no cemiterio de Santa Mariña Dozo os dous xóvenes asasinados o venres en Castrelo. Numerosos veciños e amigos acompañaron ás familias no funeral e posterior soterramento. Mentres tanto ingresaba en prisión o único detido polo momento por este caso.

RIBADUMIA >As estradas da comarca cobráronse outra vida a mañá do primeiro luns de Decembro. Foi na Vía Rápida do Salnés no quilómetro nove á altura de Ribadumia. Un Peugeot 206 saíuse da vía ó redor das seis da mañá e precipitouse por un terraplén. O rapaz, duns vinte anos de idade, morreu no acto.

VILAGARCÍA > Coa chegada do Nadal, son moitas as iniciativas solidarias que se organizan para axudar ós máis desfavorecidos. Cáritas Interparroquial de Arousa segue a desempeñar a súa función solidaria e este ano adicou ós sin teito as súas actividades. A Praza da Peixería de Vilagarcía acolleu esta fin de semana o primeiro Rastriño benéfico. Tamén se clausurou 'Caritarte'. 

VILAGARCÍA > O Salón de Ocio Infantil e Xuvenil, Galinfancia, está dende o primeiro sábado de Decembro aberto á diversión. Os rapaces poderán disfrutar de camas elásticas, unha pista de xeo sintético ou unha piscina navegable. Moitos xogos e atraccións en Fexdega ata despois do día de Reis. 

O GROVE >¿Probaron algunha vez suflé de centolo?, ¿ E pementos con recheo de centolo? Hoxe o xurado do Concurso Gastronómico do Centolo visitou os establecementos que optan a tan prestixioso premio. O concurso  buscaba incentivar a creatividade dos cociñeiros mecos utilizando como protagonista este exquisito crustáceo. Xulguen vostedes mesmos.

O GROVE > Triste foi o último día de traballo para as empregadas de Mariscos San Cayetano, MARSAC, no Grove. A partir de aquí o medo  a perder o traballo está latente en cada unha delas. A empresa xa anunciou que desmantelaría as instalacións mecas para trasladar a súa producción a Ribadumia e Vigo. Deste xeito as traballadoras anuncian mobilizacións e vixilancia continua para que non se produza