RIBEIRA > Cara á unha da tarde do pasado luns día 21 tivo lugar un novo accidente na vía rápida do Barbanza á altura da sáida de Taragoña, en Rianxo. A colisión entre un camión e un turismo saldouse cunha vítima mortal, unha muller de corenta anos veciña de Boiro. Como consecuencia do sinistro, a estrada tivo que permanecer cortada durante varias horas.

SANXENXO > Sanxenxo e Galicia volcáronse coa regata costeira que deu comezo o sábado á Volvo Ocean Race 2005-06. O Ericsson, de Neil McDonald, sentenciou a regata de principio a fin, deixando claro o seu liderato nesta proba.

O Concello de Vilanova recibe mañá ós participantes no Encontro Acamfe 2005. Serán sesenta representantes de trinta e cinco casas museo que participarán o xoves en diversas ponencias e actividades deste congreso. Coincidindo con esta cita, o concelleiro de Cultura, José Juan Durán, presentou hoxe trece novos libros de Valle-Inclán, adquiridos para o Cuadrante.

Un total de quince mozos de entre doce e dezaoito anos poderán participar este ano no curso de formación ambiental de Patrullas Verdes. O Concello de Caldas presentou esta mañá a programación da que é xa a quinta edición desta iniciativa, que se desenvolverá os sábados ata o 27 de maio do vindeiro ano.

Os escolares de Vilagarcía xa poden presentar os seus traballos ó certamen Contos Solidarios, promovido pola Concellería de Xuventude e Unicef. A iniciativa enmárcase no programa de actividades organizado con motivo do Día Internacional dos Dereitos do Neno, que se celebra o 20 do mes que vén.

O Colexio Xulia Becerra Malvar e o Concello de Ribadumia inician o vindero día 2 de novembro a acollida anticipada de nenos. Trátase de dar servizo ás familias que necesitar deixar os fillos no colexio antes da súa hora de apertura. Para elo habilitouse o antigo comedor e contratouse unha coidadora que os atenderá xa desde as sete e media da mañá.