O Concello de Cambados asinou hoxe un covenio de colaboración coa Banda de Música de Castrelo. Trátase dunha aportación económica trimestral coa que se pretende fomentar o espírito musical entre os cambadeses.

A parroquia de Lantaño no Concello de Portas homenaxeará este domingo a Nicanor Paz, sacristán da igrexa, falecido fai un ano.  Trátase dun recoñecemento a unha persoa moi querida por tódolos veciños da parroquia. O xardín da igrexa será o lugar que albergará o busto en bronce do Señor Nicanor,  para lembranza deste gran home.

A Asociación Boiresa de Empresarios presentou á persoa que se encargará da xerencia do Centro Comercial Urbano, un posto que recaeu en Tomás Estévez, así como douse a coñece-lo logotipo deseñado que caracterizará ós comercios adheridos a esta iniciativa e que foi realizado pola empresa Ceman Dixital.

As consecuencias da folga de transportes comézase a notar na comarca. En primeiro lugar o servizo de recollida de lixo veuse perxudicado estes días e os supermecados comezan a  ter  problemas de abastecemento, sobre todo no caso dos productos frescos como a carne ou a fruta. As farmacias funcionan ata o momento correctamente xa que se están respetando os servizos mínimos.

O alcalde de Ribeira, Xosé Luís Torres Colomer, compareceu esta mañá en rolda de prensa para aclarar os criterios que fan necesaria a ampliación do porto comercial da vila.

O concello de Vilagarcía destinará uns cen mil euros na mellora de vieiros de Cornazo e Rubiáns. Os traballos están incluídos no plan provincial de Cooperación deste ano e serán acometidos pola empresa COVSA.

O Fogar Galego para Anciáns Domselar de San Vicente en Bos Aires e maila Fundación Cume de Vigo foron galardoados onte co premio Entreculturas. Un premio que outorga a Deputación de Pontevedra cada ano cadrando coa celebración do Día da Hispanidade.