BARRO> Continúan as protestas polos destrozos dos xabarís nas plantacións de millo.  Segundo os propietarios, a superficie de cereal estragada acada xa os 1000 metros, sen embargo aseguran que a Xunta ignora as súas denuncias.

PORTO DO SON> O concello de Porto do Son conta cunha nova casa da cultura na parroquia de Portosín.

VILANOVA> As novas instalacións contarán con auditorio, biblioteca e salas de reunións para os colectivos da localidade. A propia Consellería, o Concello e a Deputación de Pontevedra aportarán o orzamento necesario.

A POBRA> Os residentes no barrio de Lamas e Andrés lamentan que un espazo que estaba destinado a ser zona verde rematase sendo un lugar onde deixar os coches. O BNG da localidade trasladará esta queixa ó grupo de goberno municipal.

CAMBADOS> A Feira dos Viños Europeos e a de Artesanía volven darse cita na Calzada como parte da programación do Albariño 2010.

VILAGARCÍA> O Centro de Transfusións de Galicia e a Asociación de doantes e receptores de órganos de Vigo, percorren os concellos para concienciar á poboación.

PONTEVEDRA> O escritor Xosé Neira Vilas ou o médico da selección española de fútbol foron outros dos galardoados nos Preimos Deputación 

CUNTIS> O BNG actuou con responsabilidade e tendo sempre presentes ós veciños de Cuntis. Así arrincaba a voceira do grupo municipal dos nacionalistas  a súa primeira comparecencia pública trala saída do goberno municipal.

BOIRO> O lugar de Vilariño na parroquia de Cespón foi escenario dun lume a carón do polígono industrial de Espiñeira.

OUTES> Unha veciña do lugar de Sacido faleceu previsiblemente asfixiada cando intentaba apaga-lo lume a carón da súa casa .