VILAGARCÍA > Os grandes eventos realizados en 2005 no Recinto Feiral de Vilagarcía deixaron nas empresas e establecementos comerciais e hosteleiros da comarca do Salnés máis de catro millóns de euros. Así se desprende dun estudio realizado pola Fundación Fexdega entre visitantes e expositores.

VILAGARCÍA > A Basket Cup medra. E as actividades en torno ó torneo tamén. A organización do evento e mailo concello prepararon para a edición deste ano unha versión sociocultural. Así ó tempo que se potencia o torneo de baloncesto recádanse fondos para financialo.

VILANOVA > A opción de vixiar as principais zonas de Vilanova con cámaras de seguridade atrae cada vez máis ó goberno local. A empresa que negocia a instalación co Concello presentaralle dentro duns días as condicións do contrato. O xoves xa realizou unha demostración do sistema de vídeo vixilancia e na reunión tamén participaron empresarios e comerciantes locais.

PONTEVEDRA> A cidade de Pontevedra vestiuse , día de San Sebastián,  para entregar os premios  da Cidade de Pontevedra. O xurado, formado por representantes dos tres partidos do Concello, un voceiro veciñal, outro da asociacións culturais e un ultimo do Colexio de Xornalistas outorgou por unanimidade o premio na modalidade de persoa individual ó teólogo Xulio Lois e na de persoa xurídica á Aula Castelao.

O GROVE > O grupo nacionalista, escribe un novo capítulo na polémica do PXOM meco xa que decidiu en asemblea retirarse da comisión de urbanismo xa que ó seu parecer o alcalde mantén dende o mes de setembro unha actitude de desleixamento  neste proxecto rompendo en moitas ocasións as regras  do xogo.