O GROVE > A pesares de que no congreso do PP se incidiu moito en que se pechou a sucesión sen ningún tipo de rupturas isto non foi de todo certo. Unha das primeiras consecuencias do relevo foi a dimisión de Paula Janza como concelleira e presidenta do PP do Grove. Fixo o anuncio tan só 24 horas despois de que tivera lugar o congreso e sobre a súa dimisión falou tamén o presidente provincial quen anunciou que se creará unha xestora ata a celebración do congreso local.

PONTEVEDRA > O Presidente da Deputación, Rafael Louzán, recibiu  ós representantes do grupo municipal do Partido Popular na Illa de Arousa para dotar ó campo de  fútbol A Bouza de herba artificial de última xeración. Louzán manifestou a súa boa disposición para  acelerar as obras deste centro deportivo aínda que está pendente da aprobación presupostaría do concello para a execución da obra.

VILAGARCÍA > Zona Aberta entregou os cheque correspondentes ó segundo e o terceiro premio do sorteo de Nadal cos que os comerciantes Vilagarcía agasallan os seus clientes cada no. O segundo premio correspondeu a unha veciña de Vilaxoan, Matilde Dieste, o terceiro dunha moza vilagarciá Iolanda Saborido. Nesta ocasión o primeiro premio non se puido repartir ó non aparecer o boleto co número 34.785.

RIBADUMIA> Comezaron as obras do esperado novo preescolar de Ribadumia. Tras varios meses de elaboración do proxecto e estudio das principais necesidades do novo centro construirase un edificio de planta baixa con tres aulas de educación infantil que se situará no conxunto de edificios que conforman o centro educativo Julio Becerra Malvar.

VILAGARCÍA > Os depósitos de Ferrazo de Vilagarcía volven ó primeiro plano da actualidade despois de que o deputado nacionalista Bieito Lobeira anunciara as medidas que tomará o seu grupo sobre esta cuestión. Entroutras, unha serie de preguntas que presentou no Parlamento para coñece-la opinión do goberno galego sobre este asunto.

PONTECESURES > O director xeral de Desenvolvemento Rural, Edelmiro López, visitou esta mañá o concello de Pontecesures para coñecer os lugares onde se desenvolveran dúas actuacións para mellorar o entorno da zona. Trátase do miradoiro do galiñeiro preto dun antigo vertedoiro e da cruz de Infesta paso obrigado do camiño de Santiago portugués.

VILAGARCÍA > Os representantes das tres principais federacións de productores de mexillón (Opmega, Arousa Norte e Agame) mantiveron unha nova reunión coa Conselleira de Pesca Carmen Gallego tralo plantón protagonizado no encontro do pasado mércores. Aínda que parecía que o diálogo entre ámbalas dúas partes volvía a restablecerse o sector podería comezar as mobilizacións nun prazo de dez días.