VILAXOÁN > Os bateeiros galegos concentráronse no primeiro martes de 2006 por segunda semana consecutiva diante do Instituto Tecnolóxico para o Control do Medio Mariño de Galicia denunciando unha situación que é, a todas luces, insostible.

SANXENXO > Xa está en marcha a segunda etapa da Volvo Ocean Race e polo momento, con boas novas para o barco español. Segundo as últimas novas enviadas pola organización, o Movistar lidera a flota, seguido do Brasil 1, Piratas del Caribe e ING. Pechan a clasificación o Ericcson e os ABN.

GROVE > O Comité de empresa de Marsac reuniuse este luns co grupo parlamentario Popular e con representantes do Partido Galeguista. Ambas formacións amosaron o seu apoio ás traballadoras na súa loita contra o traslado da factoría de Porto Meloxo.

VILAGARCÍA > O Ministerio de Fomento licitou as obras do novo acceso ó Porto de Vilagarcía, cun presuposto de 27,66 millóns de euros. O trazado discorre polos termos municipais de Vilagarcía, Vilanova e Caldas de Reis, cunha lonxitude de máis de sete quilómetros.

PONTECESURES > Pontecesures despediu o ano cun pleno no que destacou a aprobación do sistema de actuación PERI Nº 1 e polígono P.02. Todos os grupos políticos estiveron de acordo en que no primeiro caso, un terreo de máis de oito mil metros cadrados, se proceda a súa urbanización mediante un sistema de compensación. No caso do polígono o sistema aprobado é o de concerto.

CAMBADOS > A parroquia de Corvillón vive na intranquilidade. A razón é un grupo de rapaces  que rouban nos vehículos da zona. Segundo os veciños da zona non lles interesa nin as radios nin os coches aínda que os danos son numerosos.  Despois de denuncialo ante a Garda Civil.

VILANOVA > Despois de que  o subdelegado do goberno, anunciara os avances das tres operacións contra a droga levadas a cabo nos últimos días, o ano finalizaba coa intervención da embarcación “HJI”, unha planadora “Zodiac” preparada para transportar droga. A operación desenvolvida entre Vilanova e a Illa de Arousa rematou sen detidos.

SANXENXO > O Concello de Sanxenxo, a través da Xerencia de Urbanismo, executará o derrube de parte do edificio Boavista, situado en Baltar. Hoxe abríronse os sobres coas ofertas das tres empresas que optan a executar os traballos, que poderían ser adxudicados mañá.