PONTEVEDRA > Coa chegada da nova lei antitabaco o Colexio Oficial de Médicos declarouse espazo libre de fume. A razón non é para menos, o tabaco é a causa do 25 por cento dos casos de cancro na provincia de Pontevedra e representa un gasto moi elevado na seguridade social. Deste xeito os médicos consideran que o importante é concienciarse do dano que produce esta droga para alongalo definitivamente da sociedade.

O SALNÉS > A partir do un de xaneiro estará prohibido fumar en todos os establecementos públicos excepto nas zonas habilitadas para fumadores. A nova lei entra en vigor a vindeira semana aínda que existen moitas lagoas respecto o seu contido. Os hostaleiros da comarca non están moi seguros de cómo actuar con respecto a esta lei aínda que a maioría o ten moi claro.

CAMBADOS > Os xulgados de Cambados continúan rexistrando moito movemento. Este mércores pola tarde acabaron de declarar os nove detidos por unha suposta operación contra o tráfico de haxix, entre eles o cambadés Ramón Baúlo, fillo de Manuel Baúlo ‘O Caneo’ quen fora asasinado hai uns anos na súa casa tras delatar a Manuel Charlín.

VILAGARCÍA > A Deputación de Pontevedra presentou  no Centro Comarcal Exposalnés o plan estratéxico provincial 2.010. Tratase dun proxecto no que se inclúen plans de accións como son a competitividade, a cooperación local e a innovación. Un plan participativo no que colaboraron  todos os concellos da provincia.

VILAGARCÍA > O Consello Regulador do Mexillón reunirase con todos os representantes do sector  para acadar solucións que permitan elaborar liñas de actuacións cara a crises deste molusco. Dende fai tres meses a situación da marea vermella fai case imposible a venda do mexillón polo que é o momento de unirse e buscar solucións.

MEAÑO > Fai xa un ano que as empresas do Polígono A Pedreira de Meaño levan sufrindo roubos cada vez máis violentos e continuos. O último rexistrouse  na empresa ‘Maderas del Salnés’, os asaltantes cortaron o tendido eléctrico e romperon  unha fiestra para roubar arredor de 300 euros. Os empresarios cren que a unión entre todos os polígonos é a única solución para evitar estes roubos.