VILAGARCÍA > Vilagarcía conta este Nadal cunha zona lúdica para os máis pequenos. A asociación de comerciantes Zona Aberta e o concello habilitarón a praza da peixería para que os pais poidan deixar os rapaces mentras fan as súas compras. Alí, monitores especializados desenvolveran diversas actividades para pasar unha tarde moi divertida.

GALICIA > Alberto Núñez Feijóo será quen presida o PPdeG tralo congreso rexional de xaneiro. Finalmente só concorrerá unha soa candidatura trala alianza asinada con Xosé Manuel Barreiro. Os ex vicepresidentes da Xunta unen as súas forzas coa intención de garantir a cohesión do partido.

PONTECESURES > A consellería de Medio Rural estudiará a viabilidade da realización dun acceso ó lugar da Toxa, no Concello de Pontecesures. O delegado provincial deste departamento autonómico, Gonzalo Constenla, visitou esta mañá o municipio, onde se reuniu cos portavoces dos grupos municipais, agás o PP que escusou a súa ausencia.

ILLA DE AROUSA > Os máis cativos da Illa de Arousa despedíanse da gardería por este ano cun gran festival. Anxos en miniatura, paxes e reis dedicaban os pais, familiares e amigos unha panxoliña moi propia destas datas. Os rapaces estaban máis formais que nunca xa que están xa moi preto  de nos os máxicos  Reis Magos.

VILAGARCÍA >O Azheimer é unha demencia dexenerativa irreversible de causa orgánica  descoñecida  cada vez máis común nos nosos anciáns. Deste xeito as familias enfróntanse a unha enfermidade que se divide en fases que precisan diferentes coidados. Para coñecer a asistencia que necesitan estes enfermos a Concellería da Muller de Vilagarcía organiza un curso formativo sobre o Alzheimer no Auditorio Municipal.

GALICIA > A central sindical CIG demanda da Consellería de Pesca o control das importacións de peixe e marisco. A CIG advirte que invaden os mercados sen ningún tipo de control e sen garantías sanitarias. Unha situación que consideran inadmisible tendo en conta os problemas que atravesa o marisqueo en Galicia por mor da marea vermella.

VILANOVA > Os empresarios do polígono de Tremoedo, en Vilanova, estudan a unión con outras áreas industriais da comarca para deseñar un plan de vixilancia conxunto. A maior parte das naves alí instaladas xa sufriron varios roubos, e o último episodio xa o viviron na madrugada do domingo para o luns. De momento só denunciaron os feitos ante a Garda Civil Novolar Construcciones e Mariscos Gilmar.