O GROVE > Descontentos e pesimistas. Así se amosan quen participaron en Santiago de Compostela na mesa de negociación convocada pola Xunta para arranxar o problema do peche da factoría grovense de Porto Meloxo. A empresa non cede e o traslado parece inminente.
VILAGARCÍA > O Gato Negro de Carril celebrou esta fin de semana a asemblea para a elección de novo presidente. A asociación cultural non pasa polo seu mellor momento. Os socios reunidos non amosaron especial interés en continuar co labor desenvolvido durante vinte anos por José Luis Mulét.
MANCOMUNIDADE > Os concellos de Ribadumia, Meis e Meaño contarán cun tanatorio, piscina climatizada e pista polideportiva comúns. O presidente da Deputación, Rafael Louzán, presentou este sábado, xunto cos alcaldes dos municipios beneficiados o proxecto que se levará a cabo en San Martiño de Meis.
GALICIA> O Parlamento Galego está de cumpreanos. Celebra o seu 25 aniversario que comezou cun pleno extraordinario no que interviron tódolos grupos políticos e unha representación de mozos nados en 1981. A reforma do estatuto e o chamamento ó consenso foron temas recurrentes ó longo de todo o acto.
VILAGARCÍA > Vilagarcía volve estar de actualidade tralos actos vandálicos rexistrados na madrugada da fin de semana previa ó Nadal contra dúas patrullas da Policía Local. Os danos ascenden a 300 euros.
VILANOVA > A Asociación de Comerciantes Vilanova Centro prepara para este Nadal varias actividades para os máis pequenos. Os días 23 e 30 de decembro e o 4 de xaneiro a partir das 5 da tarde o pavillón será o escenario de varios obradoiros nos que participarán os cativos gratuitamente.
PONTECESURES > Carlos Maside e Borobó darán nome a cadanseu premio no Concello de Pontecesures. É a principal novidade dun ambicioso programa cultural que deseña o goberno local para o vindeiro ano. A programación iníciase este Nadal con arte, obradoiros, cine e maxia, entre outras actividades.
SANXENXO > Rematáronse xa os traballos de rehabilitación da antiga telleira de Sanxenxo que se converterá no Centro de Interpretación da Natureza. Trátase dun edificio luminoso dunha soa planta, no seu interior atópanse os antigos fornos. A zona exterior será obxecto dunha actuación exterior que permitirá a recuperación do entorno de Vilalonga.
SALNÉS-CALDAS 
