O Colexio Xulia Becerra Malvar e o Concello de Ribadumia inician o vindero día 2 de novembro a acollida anticipada de nenos. Trátase de dar servizo ás familias que necesitar deixar os fillos no colexio antes da súa hora de apertura. Para elo habilitouse o antigo comedor e contratouse unha coidadora que os atenderá xa desde as sete e media da mañá.

UU.AA. ven de pedir calma ante o continuo bombardeo de novas sobre a gripe aviaria. O responsable do sector avícola do sindicato asegurou hoxe que non hai motivo de preocupación xa que é imposible que no noso país unha ave enferma chegue ó mercado. UU.AA. asegura que os controis nas granxas do Salnés son totais e comezan xa na galiña que pon o ovo do que sairá o polo.

Os representantes dos centros comerciais urbanos do Salnés e o xerente da Fundación Comarcal coñeceron onte como avanza o plan de 'Normalización do comercio do Salnés'. A empresa adxudicataria do proxecto presentoulles os resultados das enquisas feitas na comarca e que deixan de manifesto a visión que teñen os veciños e os turistas do comercio local.

A Tasca da Marina, en Vilagarcía reabriu as súas portas. A empresa Negocios do Morrazo é a encargada de xestiona-lo establecemento nesta nova etapa. As súas especialidades serán as carnes á pedra e os arroces e fideuás.

A Casa Museo de Valle Inclán foi o lugar elexido polo Patronato de Turismo Rías Baixas para presentar a súa última publicacón: “Las Rías Baixas de Valle Inclán”. Trátase dunha obra onde se misturan as vertentes cultural e turística xa que se dan a coñece-los concellos da comarca relacionados co autor de Divinas Palabras.

O servizo do spad do Grove continúa coas actividades de prevención de drogodependencias no ámbito escolar,  concienciando ós adolescentes do perigo que entraña o consumo destas sustancias e ós mestres das liñas a seguir na  formación dos rapaces. Por outra banda este ano inciaránse uns cursos formativos dirixidos ós pais e nais, afondando na educación no seo familiar.

O restaurante O Crisol de O Grove sumou un novo recoñecemento. Unha sociedade gastronómica de Nova Iorque deulle o Garbanzo de Prata, que recoñece tanto a excelente calidade da súa cociña, como a atención ó cliente. Digna Prieto recolleu con emoción o galardón.

Os comuneiros de Oubiña celebraron por todo o alto o arquivo do expediente aberto conta máis de 70 veciños por supostas irregularidades fiscais. A denuncia remóntase á venda do monte para construí-lo polígono industrial de Sete Pías.