O Simposium Forestalia abordará esta semana os aproveitamentos dos residuos forestais, tanto para enerxía como para protección do medio ambiente. As xornadas foron presentadas na Cámara de Comercio de Pontevedra.

A comarca do Salnés está comezando a sufrir o desabastecemento producido pola folga de transportes. Despois de que patronal e goberno non chegaran a nengún acordo, hoxe a folga extendeuse a nivel nacional. Nos comercios podese observar a falla de productos frescos, como ovos, leite, carne ou yogures, as gasolineras temen non poder suministrar máis gasóleo nuns días se a folga continua e o paro ameaza con paralizar a recollida de lixo.

Esta mañá o concello de Sanxenxo presentou o novo curso de Alfabetización e Taller de Memoria no que hai xa inscritos máis de 60 persoas. O curso ten como obxectivo reter na memoria dos máis maiores os conceptos aprendidos o longo da súa vida. Este ano o curso conta coa incorporación de módulos de informática.

Esta fin de semana celebrouse na Illa de Arousa unha homenaxe moi especial. Tratábase de despedir a Andrés González Pena, exconcelleiro do BNG neste concello que deixou o seu cargo para descansar despois de moitos anos de adicación en moi diversos ámbitos. A través dunha cea tódolos compañeiros de partido da comarca lle amosaron o seu respeto e admiración.

Caixanova trouxo a Vilagarcía o musical ‘Salomé’. O venres pola noite o auditorio acolleu este espectáculo levado a escena pola Compañía de Danza Española Aída Gómez.

Finalmente non hai reunión hoxe entre o goberno municipal de Sanxenxo e Ronda Non. A esixencia do colectivo de que estivese presente non encontro a oposición é a principal razón que apunta Telmo Martín para desconvocar esta xuntanza.

Varios estudos demostran que as fábricas que están a contaminar toda a comarca do Salnés están situadas nos municipios de Ribadumia, Vilanova e Cambados. O Concello de Cambados deu a coñecer os resultados das analíticas que xa están en mans da Mancomunidade do Salnés para que tramite os expedientes sancionadores.