SALNÉS > Achégase a segunda xornada ligueira do curso. Os equipos do Salnés buscarán a primeira victoria da temporada todos eles ante rivais moi complicados. A priori quen o pode ter máis sinxelo é o Arousa, que recibe na Lomba ó Somozas.

VILANOVA > O vilanovés Manuel Osorio proclamouse esta fin de semana campión galego de Motos Acuáticas en Categoría Maxi. A ledicia do piloto foi dobre, porque ademais de acadar o título, fíxoo na casa, na praia do Terrón, que foi o escenario da competición.

VILAGARCÍA > No fútbol sala non comezou a liga, aínda que está a piques de facelo. Dúas semanas lle quedan ó Grupo Junquera para mellorar a imaxe amosada esta pasada fin de semana, na que caeron goleados ante un rival que milita nunha categoría inferior a eles.

SALNÉS > Ningún dos equipos do Salnés da Terceira Galega foi quen devencer. Tan só o Xuventude de Sanxenxo, de Preferente Autonómica, acadou os tres puntos.

SALNÉS > Esta fin de semana arranca a temporada en Terceira División cunha apaixoante primeira xornada de Liga. Portonovo e Céltiga xogarán na casa mentres que Vilalonga e Arousa farano fóra. Todos eles o domingo a partires das 18:00.

PONTEVEDRA > O vilagarcián Antón Paz estará na Volta ó Mundo de Vela, xunto ó seu compañeiro o pontevedrés Fernando Echávarri. Será a primeira vez que Paz participe nesta proba. Os gañadores do ouro en Vela Clase Tornado estiveron hoxe na Deputación onde foron recibidos por Rafael Louzán, que completa así a rolda de homenaxes ós medallistas olímpicos.

VILAGARCÍA > Aínda que falta máis dun mes para o inicio da competición os equipos comezan a voltar ó traballo. O Extrugasa vaino facer o luns con tan só cinco xogadoras do primeiro plantel á espera de que cheguen as novas fichaxes.

SALNÉS > Ribadumia vestíuse de gala onte para recibir ó seu gran heroe, Carlos Pérez Rial. O campión olímpico de k-2 recibíu unha merecida homenaxe, primeiro no Concello e despois no Náutico O Muiño, homenaxe na que se deron cita centos de persoas e moitas autoridades políticas, entre elas o Presidente do Partido Popular Mariano Rajoy.