ILLA DE AROUSA > O sábado e mailo domingo a Illa de Arousa acolle a decimoquinta edición da festa do mexillón. Esta tarde foi presentada a festa ós medios nun orixinal paseo en barco no que se puideron probar os pratos que se venderán nas carpas da festa que este ano lle tocou de organizar ó Céltiga.

Que cadre co Albariño ou coa Romaría Vikinga non os bota atrás. Os veciños da Illa celebran esta fin de semana a decimoquinta edición da festa do mexillón.

Cociñaranse 10 mil quilos de mexillón que se prepararán de distintas maneiras: ó vapor, á vinagreta, en salsa, tigre, con pasta, en paella e en empanada. Variedades que oscilarán entre os dous euros e medio e os tres e medio dependendo do tipo de preparación e que degustarán quenes visiten a carpa que estará no peirao instalada de 11 da mañá a catro e media e de sete ata o peche tanto o sábado coma o domingo. Este ano a festa está organizada polo Club de Fultbol Céltiga e contará co concurso gastronómico no que se presentan varios pratos por parte dos participantes.

A festa prevé recibir máis de 15 mil visitantes que degusten o producto estrela da Ría e do municipio.

Redacción Salnés