VILAGARCÍA > Xa foi oficialmente corroborado pola executiva local. Enrique León vai ser o candidato do PSOE a presidir a alcaldía de Vilagarcía. O sábado por fin foron desvelados os motivos que levaron á súa elección como sucesor de Gago. Os socialistas argumentan que o ex comisario da vila, se axusta ó perfil que buscaban.

Alegan que se adapta ó perfil buscado polos socialistas locais e que responde as bases socialistas en xeral. Enrique León é para a executiva local do PSOE o candidato ideal para substituír a Javier Gago. Din os socialistas que tralo anuncio de Gago de que non se presentaría a alcalde nas seguintes municipais a executiva local puxo en marcha a maquinaria para deseñar o perfil do novo candidato. Na convocatoria extraordinaria de xullo pediron implicación e propostas ós militantes de entre as que consideraron, tras debater, que Enrique León era o candidato perfecto. Toda vez ratificado só queda que a asemblea de setembro sexan os propios militantes os que dean o visto e prace antes de que sexa presentado en Santiago ó comité nacional.

Redacción Salnés