SALNÉS> As adegas de Rías Baixas dan os últimos coletazos da vendima mais abundante da historia desta denominación. Ata o momento lévanse recollidos máis de vinte e cinco millóns de quilos de uva.

Os viticultores e adegueiros rematan a vendima. Ata o momento o Consello regulador da Denominación de Orixe Rías Baixas ten rexistrados 25 millons novecentos mil quilos de uva.As adegas do Salnés xa teñen dentro dezaseis millóns setecentos mil, o Condado cinco millóns oitocentos mil, O Rosal tres millóns vinteún mil, Ribeira do Ulla trescentos trinta e seis mil e Soutomaior trinta mil cincocentos quilos de uva. Deste xeito os técnicos da denominación cren que se superarán as previsións feitas no inicio da vendima nas que se rondaban os 27 millons de quilos de uva, todo parece indicar que esta cifra aumentara considerablemente. Os viticultores tamen estan nestes días rematando a recollida do tinto. Parece que este ano será moi similar a do pasado e que se recolleran arredor de tres millóns de quilos de uva.