VILAGARCÍA > Aínda faltan algo máis de seis meses para que dé comezo, pero a Arousa Futbol 7 comeza a tomar forma. Un torneo que este ano verá reducido o seu número de participantes, pasarase de 24 a 16 equipos, e que se disputará sobre un único terreo de xogo, non en dous como ata o de agora. Ademais, por primeira vez na súa historia, un club inglés podería tomar parte na competición.
| FEXDEGA dará a coñecer axencias de detectives e deseños bioclimáticos |
|
|
| Martes, 18 Outubro 2005 | |
|
Este mércores dará comezo a 36 edición da Feira Multisectorial FEXDEGA que se celebra, como cada ano, en Vilagarcía de Arousa. Ata o vindeiro domingo o recinto feiral vilagarcián será o escaparate de productos novidosos na zona. Axencias de detectives ou deseños de casas bioclimáticas serán algúns dos atractivos principais este ano na trixésimo sexta edición da Feira Multisectorial FEXDEGA. Empresas de seguridade ou arquitectura que incorporan ás súas construccións materiais illantes e ecolóxicos atoparán un oco entre mobles de deseño, innovadores sistemas de descanso, coches, equipamentos para cociñas, iluminación ou complementos entre moitos outros artigos. Dende a organización aseguran que a folga de transportes que se desenvolve estes días non repercutirá nesta edición da Feira na que, se ben obrigou a recomercializar espazos e impediu a chegada de mercancía dalgúns expositores, a imaxe do salón aparecerá chea de contidos. Redacción Salnés |
