VILAGARCÍA > Aínda faltan algo máis de seis meses para que dé comezo, pero a Arousa Futbol 7 comeza a tomar forma. Un torneo que este ano verá reducido o seu número de participantes, pasarase de 24 a 16 equipos, e que se disputará sobre un único terreo de xogo, non en dous como ata o de agora. Ademais, por primeira vez na súa historia, un club inglés podería tomar parte na competición.
| Éxito dos palistas arousáns no Mundial de Maratón de Perth (Australia) |
|
|
| Martes, 18 Outubro 2005 | |
|
España completou a pasada fin de semana o mellor mundial de maratón da súa historia, con once medallas en total, ás que hai que engadir as dez que logrou na categoría de veteranos a pasada semana. O mundial desenvolveuse na cidade australiana de Perth e entre os medallistas atópanse varios palistas arousáns. O primeiro piragüista arousán en subir ó podio foi Arturo Paz, adestrador do Club Piragüismo Illa de Arousa e un dos axudantes do seleccionador nacional. Paz conseguiu dúas medallas de ouro no campionato do mundo de Máster na categoría de 35 a 39 anos, tanto en C-1 como en C-2, na que foi ademais a súa primeira participación nun mundial. No campionato do mundo de maratón, as primeiras medallas arousáns foron para os palistas do Grove Fredi Bea e Rubén Paz. Bea cumpriu os pronósticos que lle daban como un dos candidatos ó título en C-1 Senior pero cunha diferencia mínima de 14 segundos, quedou relegado á prata polo húngaro Edvin Csabai. A sorpresa foi o bronce de Rubén Paz en C-1 Junior. Completan o medalleiro arousán o illeño Ramón Ferro e o seu compañeiro do Club Piragüismo A Illa, Óscar Graña. Repetiron o resultado do anterior mundial, a medalla de bronce en C-2 Senior. Redacción Salnés |
