VILAGARCÍA > Fexdega non celebrará as feiras de Panadería e Pastelería, a da Construción e o Salón Erótico do Atlántico, SEDA.

As dúas primeiras levaranse a cabo en Vigo e SEDA, polo de agora non se fará. O xerente da Fundación resalta a importancia das feiras que si se levarán a cabo no 2008, como ACUI ou as tres exposicións caninas que xa están confirmadas.

A feira de Panadería e Pastelería creouse con carácter itinerante, sen embargo, celebrou dúas edicións en Vilagarcía e ocasionou algunha protesta. Este ano, non se fará en Fexdega, senón en Vigo.

Tamén a cidade olívica acollerá a feira da Construción que ata o de agora, levábase a cabo nas dúas cidades.

Respecto ó esperado Salón Erótico do Atlántico, non se celebrará en ningures o ano próximo.

Fexdega xa ten aprobado o calendario para o 2008, pendente aínda da incorporación doutros eventos. Entre eles destacan o Salón Internacional de Acuicultura, ACUI, o Vilagarcía Basket Cup, A Capital do Moble portugués e tres exposicións caninas, unha delas, internacional.

Segue pendente de concretar a celebración do Salón do Automóbil e ademais, Fexdega converterá en Bi- anual o Salón de Inventos e Innovación, polo que se prevé a celebración da sexta edición, nunha ponte do mes de maio de 2009.

Redacción Salnés