RIANXO > Francisco Jorquera participou nun acto de precamapaña organizado polo BNG esta fin de semana en Rianxo.

Os nacionalistas elixiron a terra natal de Castelao para celebrar un dos primeiros actos da precamapaña de cara ás eleccións do vindeiro 9 de marzo. Numerosos simpatizantes e militantes da formación frentista déronse cita na casa da cultura da localidade para arroupar ó candidato ó congreso dos deputados, Francisco Jorquera.

Durante a súa intervención, o cabeza de lista pola provincia da Coruña, referiuse ó dobre papel que xoga o BNG nestes comicios, como promotor das políticas democráticas e como garante da presenza de Galicia nas decisión do goberno de Madrid.

Chave do goberno

Segundo o candidato nacionalista ‘todo apunta a que non haberá maiorías absolutas no congreso dos deputados polo que o BNG pode ter a chave do próximo goberno'. Neste sentido lembrou os logros nacionalistas na anterior lexislatura como o desbloqueo de transferencias pendentes de transferir por parte do estado ou o incremento dos investimentos que están por riba do que corresponde por número de habitantes.

Arroupando a Jorquera estiveron os responsables locais do BNG en Rianxo e Ribeira, Adolfo Muíños e Dominga Brión, que destacaron que o seu partido foi o único que elevou os problemas da comarca do Barbanza ata o congreso dos deputados. Por iso, fixeron un chamamento á cidadanía a apoiar á formación nacionalista na próxima cita electoral.

Redacción Barbanza