RIBEIRA > O BNG de Ribeira aposta pola recuperación do solar no que se ubica a antiga fábrica de Castiñeiras co fin de darlle un uso público.

O pasado 16 de xaneiro, un enorme incendio devastou as instalacións da fábrica do Conservas Castiñeiras, que a pesar de que permanecía inactiva albergaba no seu interior diversa maquinaria e material de traballo. Agora, trancorridos xa máis de tres meses, a fábrica segue tal e como a deixou o incendio, con materiais desprendidos, o que supón un risco potencial para os veciños da zona.

A intención dos nacionalistas é que se realicen as xestións oportunas para que a finca en que se situa a factoría pase a patrimonio público co fin de convertela nun área de esparcemento para os veciños de Castiñeiras que, mesmo podería albergar un museo relaciondo co mar.

Xestións iniciadas

Pola súa banda, o goberno local informou de que xa se inciaron, incluso antes do incendio, as xestións coa demarcación de Costas para poder adquirir esta propiedade para o desfrute de tódolos veciños.

Redacción Barbanza