VILAGARCÍA > Aínda faltan algo máis de seis meses para que dé comezo, pero a Arousa Futbol 7 comeza a tomar forma. Un torneo que este ano verá reducido o seu número de participantes, pasarase de 24 a 16 equipos, e que se disputará sobre un único terreo de xogo, non en dous como ata o de agora. Ademais, por primeira vez na súa historia, un club inglés podería tomar parte na competición.
| Mª Dolores Fernández presidirá a nova xestora do PSOE de Ribeira |
|
|
| Luns, 16 Xuño 2008 | |
|
O secretario comarcal do PSOE, Blas García, presentou esta fin de semana a nova xestora que presidirá o partido en Ribeira, tal e como establecen os estatutos do partido socialista no caso da dimisión do secretario xeral. Á súa fronte estará María Dolores Fernández, acompañada polos dous representantes socialistas na corporación, Toño Nóvoa e Francisco Mareque. Integrarán tamén o órgano Eva María Lores, Toño Piñeiro, Pilar Dios e José Manuel Suárez así como o propio scretario comarcal, de xeito simbólico. A xestora asumirá o control da agrupación local durante un periodo aproximado de tres ou catro meses ata que se convoquen comicios para elixir a nova directiva. Total normalidade O secretario comarcal resaltou a total normalidade deste órgano que seguerá a traballar como ata o de agora o fixo a executiva en prol da cidadanía de Ribeira. Nova etapa A composición da xestora abre unha etapa de futuro no partido na que o afán renovador personifícase na mocidade dos seus integrantes. Na súa presentación tamén estivo presente o anterior secretario xeral, Xosé Vicente Domínguez, que ocupou o cargo durante máis de seis anos. Os seus compañeiros de filas quixeron agradecerlle o labor realizado neste tempo no que houbo que superar momentos moi complicados para o partido. Redacción Barbanza |
