VILAGARCÍA > Aínda faltan algo máis de seis meses para que dé comezo, pero a Arousa Futbol 7 comeza a tomar forma. Un torneo que este ano verá reducido o seu número de participantes, pasarase de 24 a 16 equipos, e que se disputará sobre un único terreo de xogo, non en dous como ata o de agora. Ademais, por primeira vez na súa historia, un club inglés podería tomar parte na competición.
| Maceiras revalida o seu cargo na presidencia dos mariscadores de a pé |
|
|
| Mércores, 18 Xuño 2008 | |
|
Os comicios para a elección da nova directiva da agrupación de mariscadores a pé da Pobra estiveron marcados pola alta participación. 115 dos 130 socios acudiron a exercer o seu dereito ó voto nunha xornada na que a ausencia de incidentes e a normalidade constituíron a tónica dominante. Enrique Maceiras revalidou o seu cargo na presidencia da entidade, cun total de 89 votos a favor. Entre os proxectos que se plantexa a nova directiva a longo prazo destaca a alza do valor dos seus produtos potenciando a distinción da súa calidade e a loita contra unha das grandes lacras para o sector: o furtivismo. Mentres tanto, os 150 mariscadores que integran o colectivo seguirán a traballar ata finais de ano nas súas concesións co fin de pechar a campaña con resultados semellantes ós do ano anterior. Redacción Barbanza |
