VILANOVA > Este acordo prodúcese trala crise económica que os comerciantes da zona veñen atravesando durante os últimos meses ...
VILAGARCÍA > Aínda faltan algo máis de seis meses para que dé comezo, pero a Arousa Futbol 7 comeza a tomar forma. Un torneo que este ano verá reducido o seu número de participantes, pasarase de 24 a 16 equipos, e que se disputará sobre un único terreo de xogo, non en dous como ata o de agora. Ademais, por primeira vez na súa historia, un club inglés podería tomar parte na competición.
| Concello e comerciantes chegan a un acordo para conxelar as taxas municipais |
|
|
| Mércores, 18 Xuño 2008 | |
|
O concello de Vilanova e a Asociación de Comerciantes da vila chegaron a un acordo polo cal o goberno local non subirá os impostos e taxas municipais a este colectivo durante os dous vindeiros anos.Este acordo prodúcese trala crise económica que os comerciantes da zona veñen atravesando durante os últimos meses pola suba dos carburantes e a suba dos prezos. Este convenio entre concello e comerciantes firmarase nos próximos días e estudarase se a proposta deberá ser ratificada en sesión plenaria ou pode ser aprobada por medio dun decreto do alcalde. A conxelación dos impostos afectará a tódolos locais comerciais e non terá efecto sobre as vivendas. Unha crise económica afecta a moitos sectores, principalmente ó sector comercial debido á suba dos produtos de primeira necesidade e do Gasóleo. Dende a asociación de comerciantes Vilanova Centro piden a colaboración dos vilanoveses para que fagan as súas compras na vila e non merquen nas grandes superficies. Segundo o presidente dos comerciantes,Ramón Cardalda aínda que a situación é complicada miran seguirán loitando na promoción do comercio da vila Redacción Salnés |
