VILAGARCÍA > Aínda faltan algo máis de seis meses para que dé comezo, pero a Arousa Futbol 7 comeza a tomar forma. Un torneo que este ano verá reducido o seu número de participantes, pasarase de 24 a 16 equipos, e que se disputará sobre un único terreo de xogo, non en dous como ata o de agora. Ademais, por primeira vez na súa historia, un club inglés podería tomar parte na competición.
| O sector mexilleiro afirma que a Lei de Pesca garante o seu futuro |
|
|
| Xoves, 19 Xuño 2008 | |
|
VILAGARCÍA > A Comisión do Sector Mexilloeiro para a negociación do articulado no anteproxecto da Lei de Pesca espuxo os avances acadados dende que fora constituída o ano pasado. Neste tempo representaron os intereses xerais do sector ante a Xunta e afirman que lograron avances no borrador de Lei de Pesca. Segundo indican pronto se traducirán na participación activa da comisión no desenvolvemento regulamentario do Decreto. O organismo asegura que o goberno autonómico aceptou as medidas para impedir que as grandes empresas desplacen ós productores galegos. Agora, ultiman o regulamento que fixará os criterios para renovar as concesións das bateas. Nuns 15 días farán público o desenvolvemento do regulamento do Decreto ante todos os bateeiros, cuestión sobre a que ata o de agora mantiveron silencio sepulcral para evitar interferencias que puideran prexudicar ao sector. Dende a comisión aseguraron que esta negociación é, en realidade, unha demanda que o sector ven facendo dende fai moitos anos en base xa á Lei de Pesca que está en vigor dende o ano 1993. Redacción Salnés |
