MEAÑO > O Concello séntese acosado por Política Territorial. Estes días recibiron un expediente sancionador por pintar ...

... uns pasos de cebra en Dena.

O Concello de Meaño acaba de recibir un expediente sancionador por pintar uns pasos de peóns en Dena sen a previa autorización do Servizo Provincial de Estradas. Sen embargo o goberno local afirma que eses traballos os acometeu a propia consellería de Política Territorial. Segundo o expediente, o Concello pintou en maio os pasos de cebra na estrada PO-550 entre Cambados – A Lanzada, á altura de Dena, sen autorización.

O Concello respondeulle á Xunta que desde hai anos se fixo cargo deses traballos pero que nesta ocasión os pasos foron pintados con cargo á consellería. O goberno local indica que en decembro do pasado ano Política Territorial aglomerou esta estrada e que en xaneiro a pintou, incluídos os pasos de cebra.

O alcalde considera que hai persecución contra o seu Concello e está pensando incluso en dirixirse ó Presidente da Xunta e ó Valedor do Pobo para que medie e para comunicarlles a deixadez de obrigas que ten Política Territorial en moitas obras de Meaño.

Redacción Salnés