SALNÉS > O Extrugasa presentou esta tarde na sede do club á súa nova fichaxe, Taru Tuukannen, unha vella coñecida da afección vilagarcián. A contratación da pivot finlandesa colleu a todos por sorpresa. Foi a través dunha negociación meteórica coa xogadora, que quedou desvinculada onte mesmo do seu anterior equipo, o Napoli italiano
| Cabo de Cruz volve quedar sen servizo médico durante o mes de xullo |
|
|
| Mércores, 25 Xuño 2008 | |
|
A historia repítese e por terceiro ano consecutivo os veciños do núcleo boirés de Cabo de Cruz que teñan que acudir ó médico durante o mes de xullo non poderán facelo na súa parroquia. O consultorio ubicado na casa do mar pechará as súas portas ó non haber médicos dispoñibles para a substitución do facultativo titular da praza. Terán entón que desprazarse ata o centro de saúde do Saltiño, en Boiro, ubicado a máis de dous quilómetros de distancia. Abandono Os afectados acusan á administración desta situación de abandono posto que, a pesar das reiteradas queixas presentadas dende a asociación de veciños, Sanidade non destinará outro médico para cubrir as vacacións. Deste modo, un ano máis, a poboación de Cabo de Cruz que se ve sensiblemente incrementada durante a tempada estival, terá que apañarse para non enfermar durante o mes de xullo. Redacción Barbanza |
