VILAGARCÍA > O Extrugasa prepara xa o encontro que mañá vai disputar ante o Tarbes francés, correspondente á quinta xornada da Eurocup. O adestrador do conxunto vilagarcián, Isaac Fernández, asegurou hoxe en rolda de prensa que aproveitará o partido para facer cambios no equipo. As xogadoras menos habituais desfrutarán de máis minutos.
| Pedro Fernández asume a xefatura do corpo da Policía Local da Pobra |
|
|
| Martes, 01 Xullo 2008 | |
|
Pedro Fernández Iglesias asumirá a xefatura do corpo da policía local da Pobra. Este axente, de 52 anos e natural da parroquia de Palmeira, leva 26 anos formando parte do corpo da policía local de Ribeira nos que as referencias da súa folla de servizos avalan a profesionalidade do novo xefe da policía local da Pobra. No acto da xura do cargo, celebrado este martes no concello pobrés estiveron presentes varios membros dos corpos de seguridade na comarca así como diversos representantes do executivo. Entre eles, o alcalde, Isaac Maceiras, quen desexou grandes éxitos a Pedro Fernández nesta nova etapa. Con respecto ás numerosas baixas na plantilla, o alcalde informou de que o novo xefe disporá de tódalas atribucións para reunirse cos axentes de baixa e tentar retomar a normalidade no corpo da policía pobresa. Redacción Barbanza |
