NOIA > A Conselleira de Pesca realizou a súa primeira visita institucional ó concello de Noia, na que analizou as principais necesidades do sector pesqueiro.

A Conselleira de Pesca, Carmen Gallego, e a delegada provincial, Rosa Liaño, mantiveron unha xuntanza de traballo co alcalde, Rafael García Guerrero, e o patrón maior, Santiago Cruz, para analizar as principais necesidades do sector marisqueiro na comarca do que dependen directamente máis de mil cincocentos profesionais. Tan só en Noia son 800 os mariscadores que viven da actividade extractiva o que sitúa esta confraría á vangarda de Galicia .

A titular de Pesca aproveitou a súa visita para coñecer algunhas das actuacións que o seu departamento está a acometer na comarca. Entre elas o criadeiro de moluscos que se etsá a construír en Sabarde, no concello de Outes, para o que Pesca destinará unha partida dun millón douscentos mil euros mentres que a confraría asumirá outro tanto.

Autoabastecemento

Esta planta permitirá o autoabastecemento do sector posto que producirá preto de 100 millóns de unidades de ameixa e 20 millóns de ostras ó ano. Para completar o proceso productivo, antes de depositar as crías nos bancos naturais, será preciso o seu engorde en dúas bateas que suporán un custo aproximado de 312 mil euros, para os que o patrón maior solicitou a colaboración económica do departamento de Pesca. Carmen Gallego comprometeuse a estudar as peticións do pósito e adiantou que seguirá a colaborar estreitamente cos proxectos que desenvolve o sector na comarca de Muros- Noia.

Inversións por valor de 3'7 millóns

Dende o ano 2005, a Consellería de Pesca leva investidos nesta bisbarra máis de 3’4 millóns de euros. entre as actuacións máis destacadas figuran a nova lonxa do prot do freixo ou o edificio de apoio á rula existente no porto de Testal, que Carmen Gallego amén tivo ocasión de visitar no seu percorrido. Para o presente ano están previstas novas inversións por valor de máis de 336 mil euros.

Redacción Barbanza