SALNÉS > O Extrugasa presentou esta tarde na sede do club á súa nova fichaxe, Taru Tuukannen, unha vella coñecida da afección vilagarcián. A contratación da pivot finlandesa colleu a todos por sorpresa. Foi a través dunha negociación meteórica coa xogadora, que quedou desvinculada onte mesmo do seu anterior equipo, o Napoli italiano
| O BNG de Ribeira recaba o apoio da cidadanía en contra da ampliación do náutico |
|
|
| Mércores, 16 Xullo 2008 | |
|
Os membros do grupo municipal do BNG de Ribeira entregaban no rexistro do concello as 300 alegacións en contra do proxecto de Portos de Galicia de amplia-las instalacións do náutico da localidade. Segundo os nacionalistas esta actuación afectará de xeito negativo sobre o banco marisquero de Coroso. Para os nacionalistas ribeireses este non será o único problema, xa que a obra suporá ademais a privatización dunha parte importante de terreos públicos. Por esta razón os nacionalistas convidan os veciños da localidade a que presenten alegacións de xeito indivisual, amosando o seu rexeitamento a dita actuación. O prazo para a súa presentación rematará este mércores. O executivo ribeirés vén de convocar unha sesión plenaria con carácter extraordinario para o xoves na que está previsto abordar este tema. Será un único punto no que os catro grupos con representación municipal abordarán as alegacións a presentar ó plan director de Portos de Galicia para instalacións náutico-deportivas. Redacción Barbanza |
