SALNÉS > O Extrugasa presentou esta tarde na sede do club á súa nova fichaxe, Taru Tuukannen, unha vella coñecida da afección vilagarcián. A contratación da pivot finlandesa colleu a todos por sorpresa. Foi a través dunha negociación meteórica coa xogadora, que quedou desvinculada onte mesmo do seu anterior equipo, o Napoli italiano
| A Pobra incrementa a súa oferta turística con rutas marítimas a bordo do Nauja |
|
|
| Mércores, 16 Xullo 2008 | |
|
Por segundo ano consecutivo e despois da boa experiencia acadada durante o pasado verán o concello da Pobra do Caramiñal e a empresa Acquavisión Galicia volverán a desenvolve-lo programa turístico-medioambiental ‘Achégate ó mar’ que se vai poñer en marcha a partir da vindeira semana. Máis oferta Trátase en definitiva de aumenta-la oferta turística existente neste municipio. De xullo a setembro o veleiro ‘Nauja’ sairá tódolos mércores dende o porto pobrés, realizando viaxes ás illas de Sálvora e de Ons. Turismo activo A iniciativa presentada a bordo do propio veleiro pretende potenciar un novo tipo de turismo activo, implicando ós participantes na navegación, ó mesmo tempo que se da a coñecer a riqueza natural da ría de Arousa e a importancia do patrimonio marítimo, exemplificado no parque nacional das Illas Atlánticas. A experiencia non pode ser máis satisfactoria para os que participen nela. Aínda que as saídas están proxectadas para os mércores, poderase amplia-la frecuencia das rutas no caso de que así o demanden os visitantes. O prezo por persoa adulta rondará os 45 euros, incluíndo un magnífico aperitivo no barco, mentres que para os máis pequenos o prezo será de 20 euros. O número máximo de pasaxeiros en cada viaxe será de 25 persoas. As persoas interesadas en adquiri-la súa entrada ou recibir máis información sobre as rutas poderán facelo a través da empresa Mariña Esmar ubicada no porto da Pobra . Redacción Barbanza |
