SALNÉS > O Extrugasa presentou esta tarde na sede do club á súa nova fichaxe, Taru Tuukannen, unha vella coñecida da afección vilagarcián. A contratación da pivot finlandesa colleu a todos por sorpresa. Foi a través dunha negociación meteórica coa xogadora, que quedou desvinculada onte mesmo do seu anterior equipo, o Napoli italiano
| O pleno de Ribeira aproba en conxunto as alegacións contra a ampliación do náutico |
|
|
| Xoves, 17 Xullo 2008 | |
|
O texto das alegacións xa fora acordado de xeito unánime previamente na reunión de portavoces polo que tan só foron precisos cinco minutos de pleno para dar o visto bo ó documento. Tras aproba-la urxencia do asunto a tratar a secretaria municipal dou lectura ás alegacións que propoñen a retirada do Plan Galego de Infraestruturas Náuticas da actuación 3.21 que prevé a ampliación do porto deportivo de Ribeira. A corporación municipal rexeita este proxecto polos danos que ocasionará á praia de Coroso e ós bancos naturais da zona. Alternativa consensuada Neste sentido, propoñen a Portos de Galicia que inicie o deseño dunha nova actuación consensuada con tódolos colectivos afectados. No texto, que foi aprobado por unanimidade, soamente se modificou a parte correspondente ós afectados que na redacción orixinal incluía á confraría de pescadores, o club náutico, o concello e Portos de Galicia. A petición do BNG extendeuse a necesidade de consenso a tódolos sectores afectados. Redacción Barbanza |
