SALNÉS > O Extrugasa presentou esta tarde na sede do club á súa nova fichaxe, Taru Tuukannen, unha vella coñecida da afección vilagarcián. A contratación da pivot finlandesa colleu a todos por sorpresa. Foi a través dunha negociación meteórica coa xogadora, que quedou desvinculada onte mesmo do seu anterior equipo, o Napoli italiano
| Nova sentenza contra o PXOM de Boiro por ser aprobado sen o informe de Patrimonio |
|
|
| Martes, 22 Xullo 2008 | |
|
Se anteriormente o Tribunal Superior de Xustiza de Galicia lle dera a razón ó voceiro de Iniciativa Cidadá de Boiro, Manuel Velo, e tamén ó veciño Xosé Manuel Pardeiro, anulando o actual PXOM aprobado hai cinco anos, no ano 2003, durante o goberno do PP presidido por Xesús Alonso, agora é de novo unha denuncia dunha particular a que volve a desacreditar este planeamento. Segundo se revela na sentenza as razóns para anula-lo PXOM son as mesmas que en anteriores ocasións: a falla do preceptivo informe de Patrimonio. Recurso O executivo boirés ten en mente recurrir, xa que os fallos ditados polo Tribunal Superior de Xustiza de Galicia non son firmes e cabe interpor recurso de casación ante o Tribunal Supremo. Deste xeito pretende evitar que a suspensión do PXOM sexa firme. Dende o equipo de goberno sinálase ademais que este feito non significará a parálise da actividade construtiva no municipio e seguirase traballando de acordo co plan actual. O problema si se daría se o fallo do Tribunal Supremo confirma a anulación do PXOM. Nese caso, o urbanismo en Boiro volvería a estar supeditado ás normas subsidiarias anteriores o actual PXOM aprobado no ano 2003, o que suporía unha reducción na edificabilidade no municipio de ata un 50%. Redacción Barbanza |
