RIBADUMIA > A Casa de Cultura albergará un centro de acollida de maiores. A alcaldesa Salomé Peña encargou ...
SALNÉS > O Extrugasa presentou esta tarde na sede do club á súa nova fichaxe, Taru Tuukannen, unha vella coñecida da afección vilagarcián. A contratación da pivot finlandesa colleu a todos por sorpresa. Foi a través dunha negociación meteórica coa xogadora, que quedou desvinculada onte mesmo do seu anterior equipo, o Napoli italiano
| A Casa de Cultura de Ribadumia acollerá un centro de maiores |
|
|
| Luns, 28 Xullo 2008 | |
|
... xa ós técnicos municipais un anteproxecto para por en marcha este novo servizo. A alcaldesa de Ribadumia, Salomé Peña, encargou ós técnicos municipais a redacción dun anteproxecto que permita reorganizar a casa de cultura de Ribadumia. O goberno local pretende crear neste edificio un centro de acollida para persoas maiores. A alcaldesa afirma que a proposta se levará a cabo sen eliminar os usos que agora ten a casa de Cultura, que alberga a biblioteca municipal, a aula de conexión a Internet e a oficina de información xuvenil. Segundo o Concello, o novo centro de acollida de persoas maiores terá como finalidade atender as necesidades da terceira idade durante o día, para facilitar así a conciliación da vida laboral e familiar dos coidadores. Neste centro ofreceranse diversas actividades que permitirán ós maiores estar entretidos durante as súas horas de ocio. A alcaldesa indica que se barallaron outros lugares pero que se escolleu a casa de cultura pola súa cómoda localización. Está preto de calquera das parroquias, ten amplos aparcadoiros e ten cerca o centro médico, ademais de estar ó lado da carballeira e do parque de exercicios para a terceira idade. Redacción Salnés |
