RIBEIRA >  Os veciños de Ribeira están cansos de agardar ringleiras  cada vez que acuden ao médico nos meses de verán

A estas alturas do verán, os centros de saúde da Barbanza atópanse ateigados de enfermos, que tentan facerse cun oco nas extensas listas para acudir a consulta.

Son moitos os veciños da comarca que se queixan da falla de persoal médico nos centros, o que está a provocar longas esperas ou mesmo anulacións nas citas.

Médicos de vacacións 

Nesta tempada son moitos os profesionais que collen vacacións, o que supón a contratación de sustitutos; sen embargo, varios usuarios do centro de saúde quéixanse da falla de persoal médico, o que está a provocar importantes saturacións no centro.

Opinións encontradas

A pesares das protestas dalgúns, nas portas do centro de saúde de Ribeira pódense atopar diversidade de opinións. Mentres uns agardan durante horas o seu turno para entrar na consulta, outros amósanse satisfeitos co servizo médico.

Este non é un problema exclusivo de Ribeira, senón que as queixas veciñais son extensivas a toda a comarca. Son moitos os centros de saúde da Barbanza, que aglutinan durante os meses de verán un importante número de enfermos que quedan sen atender a causa da escaseza de persoal médico.

Redacción Barbanza