POBRA > O museo Valle-Inclán vén de amplia-los seus fondos coas maquetas orixinais das tres esculturas existentes na localidade.
VILAGARCÍA > Aínda faltan algo máis de seis meses para que dé comezo, pero a Arousa Futbol 7 comeza a tomar forma. Un torneo que este ano verá reducido o seu número de participantes, pasarase de 24 a 16 equipos, e que se disputará sobre un único terreo de xogo, non en dous como ata o de agora. Ademais, por primeira vez na súa historia, un club inglés podería tomar parte na competición.
| O museo Valle-Inclán amplía os seus fondos con réplicas das esculturas da Pobra |
|
|
| Mércores, 27 Agosto 2008 | |
|
Trátase da muller mariñeira, Valle-Inclán e o emigrante, que foron realizadas no seu día polo artista Gonzalo Sánchez Mendizábal e que se atopan erixidas en distintos espazos da vila. Con esta doazón vese incrementado o patrimonio artístico e cultural do concello. Pezas en escaiola Tanto o director do museo Valle-Inclán, Antonio González Millán, como a concelleira de Cultura, Encarnación González, destacaron a importancia desta doazón e o valor que teñen estas pezas orixinais realizadas en escaiola polo propio escultor Gonzalo Sánchez Mendizábal que, a partir de agora, pasarán a engrosa-los fondos do museo pobrés. A maqueta da muller mariñeira e a do emigrante presidirán a sala Arousa , pola que se accede ó museo, mentres que a de Valle-Inclán será ubicada na sala Viana do Prior, onde se atopan tamén os fondos do escritor e que foron doados pola propia familia. Redacción Barbanza |
