VILAGARCÍA > Aínda faltan algo máis de seis meses para que dé comezo, pero a Arousa Futbol 7 comeza a tomar forma. Un torneo que este ano verá reducido o seu número de participantes, pasarase de 24 a 16 equipos, e que se disputará sobre un único terreo de xogo, non en dous como ata o de agora. Ademais, por primeira vez na súa historia, un club inglés podería tomar parte na competición.
| Miles de persoas homenaxean a San Ramón na tradicional romaría de Bealo |
|
|
| Luns, 01 Setembro 2008 | |
|
Aínda que o mal tempo foi unha constante durante o venres e o sábado, a climatoloxía dou unha tregua ós miles de romeiros que durante a xornada do domingo se deron cita na carballeira de San Ramón de Bealo, en Boiro. Devoción Como vén sendo tradición dende hai xa 250 anos, veciños e visitantes acudiron a render homenaxe ó santo e as embarazadas a pedirlle un bo parto. Dende as oito da mañá desenvolveronse oficios relixiosos ata a unha do mediodía cando se celebrou a misa cantada e posterior procesión. Pero non todo foi devoción xa que moitos dos asistentes acudiron á romaría polo seu carácter lúdico, a desfrutar da gastronomía na compaña de familiares e amigos. Festa do maior Na romaría tamén houbo espazo para a terceira idade posto que a concellería de Servizos Sociais organizou a festa do maior no marco da celebración de San Ramón co fin de integrar a este colectivo na festa dándolle tódalas facilidades á hora de pasar un día no campo. Trala gran festa que se prolongou ata ben entrada a noite nunha verbena amenizada polas orquestras Samba e Triunfo ,os festexos proseguirán ó longo desta semana ata o mércores cando a actuación da orquestra Panorama pechará as celebracións ata o vindeiro ano. |
