| A comisión de propietarios de Laxe Brava emprenderá accións legais contra o Plan Acuícola |
|
|
| Martes, 02 Setembro 2008 | |
|
... que, dende se coñecera o proxecto, véñense opoñendo á implantación de piscifactorías na costa galega. A nivel xeral, ADEGA xa anunciou a súa intención de presentar un contencioso contra a totalidade do plan mentres que en Corrubedo, tanto a Plataforma Medio Ambiental como a Comisión de Propietarios de Teira iniciarán as accións legais oportunas para evitar a instalación dunha macroplanta en Laxe Brava. A Comisión de Propietarios de Teira afectados pola expropiación forzosa de máis de 300 mil metros cadrados para a implantación da piscifactoría proxectada en Corrubedo recorrerá ó concello para a presentación dun contencioso administrativo en contra desta actuación. Rede Natura Os propietarios dos terreos confían en que o recurso evitará a construción desta fábrica posto que son moitos os argumentos na súa contra. A planta está proxectada nunha zona de gran interese mediomabiental, paisaxístico e turístico que estaba incluida no avance da rede Natura, que finalmente a Consellería de Medio Ambiente retirou para, segundo a comisión de propietarios, non interferir no plano acuícola. Plan á medida Os propietarios critican frontalmente a actuación da Consellería de Pesca no deseño do Plan de Acuicultura no que din, está a exercer un papel de mera intermediaria, nun proxecto deseñado polas propias industrias que se queren implantar na costa galega. Redacción Barbanza |
