PONTEVEDRA > Os viños brancos da denominación de orixe Rías Baixas creceron un 21,6 por cento no mercado da gran distribución madrileño.

Rías Baixas vai incrementando a súa presenza no mercado da gran distribución de Madrid. O último informe da consultora Nielsen recolle que os viños brancos desta denominación de orixe creceu un 21,6 por cento en cota de mercado e un 12,2 por cento en valor. Outro dato a destacar é que ademais de que o consumidor madrileño demanda cada vez máis viños Rías Baixas, o fai aceptando pagar por eles un prezo superior ó dos seus competidores.

O Consello Regulador desta denominación de orixe considera que este éxito se debe, en gran parte, á distribución acadada polos seus viños nos establecementos de Madrid. Hai tres anos só se vendían nun 49 por cento dos hipermercados e supermercados pero hoxe en día xa están presentes no 86 por cento dos puntos venda da capital. Ademais, as botellas de Rías Baixas figuran na primeira liña dos estantes. Das 94 botellas de branco que expoñen, un 14,9 por cento son de Rías Baixas.

No informe de Nielsen recoñécese que a demanda de viño con denominación de orixe caeu nun un por cento no último ano, pero afirma que en cambio os viños brancos subiron un 4 por cento as súas vendas.

Redacción Salnés