SALNÉS> O Vilalonga volve a xogar na casa e desta volta recibe a un dos candidatos a a meterse na fase de ascenso, o Narón, que chega á cita terceiro. O Céltiga non xogará esta fin de semana.
| Comezan as rebaixas de verán con descontos de ata o setenta por cento |
|
|
| Mércores, 01 Xullo 2009 | |
|
A tempada de rebaixas estivais que se inicia promete ser moito máis agresiva cas anteriores, nun contexto de crise económica que fai disparar os descontos ata o setenta por cento, nalgúns casos. Habitualmente, os establecementos iniciaban a tempada con descontos moito máis tímidos, entre o 20 e o 30 por cento, e reservaban os grandes saldos para a fin das rebaixas. Agora a cousa cambiou e para atraer clientes non queda máis que rebaixar o máximo dende o principio. Este ano ademais, o mal tempo non axudou a dar saída á mercancía de verán polo que as empresas contan con demasiado stock que vender. Nesta primeira xornada, a pesar de que non había demasiado movemento, os primeiros compradores xa se deixaron ver polas tendas. Todos coincidían no elevado do descontos e na necesidade de que cheguen os periodos de rebaixas para poder realizar as compras. Os comerciantes agardan que estas rebaixas, nas que cada galego gastará unha media de 81 euros, contribúan a salvar unha das peores campañas de verán dos últimos anos. Redacción Barbanza |
