CALDAS> O trazado da vía e a chuvia apúntanse como as principais causas do sinistro. Dous pasaxeiros seguen graves no CHUS.

As circunstancias que provocaron o tráxico accidente aínda están por aclarar. Sen embargo, a EP-8001 é coñecida en Caldas pola súa alta siniestralidade. Hoxe estaba previsto que a Garda Civil analizara o tacógrafo do autobús para recoller máis datos, pero o trazado do vial, caracterizado polas marcadas curvas, o estado do asfalto e as fortes chuvias, parecen ser as principais causas do sinistro.

Corenta persoas ocupaban o autobús accidentado, dos que vintecinco resultaron feridos de diferente consideración, e tiveron que ser trasladados a varios centros hospitalarios. A día de hoxe, só dous atópanse en estado grave, aínda que non se teme polas súas vidas. Un mozo de 28 anos, xogador do club de fútbol da Pobra, é o que presenta máis complicacións.

Michel Sieira, compañeiro de equipo, tamén viaxaba no autobús sinistrado. Sieira saíu ileso do accidente e nega calquera responsabilidade do condutor no accidente.

Segundo fontes da investigación, o condutor deu negativo na proba de alcoholemia que lle realizaron despois do accidente. Pola súa banda, o rexedor de Caldas anunciou que o concello presentará unha petición á Deputación, titular da estrada, para que se realice un estudo en profundidade das causas da sinistralidade do vial.

Redacción Salnés