| Louzán asegura que o PP gobernará nos nove concellos do Salnés |
| Xoves, 23 Decembro 2010 | |
|
O Partido Popular xa goberna en seis dos nove concellos que compoñen a comarca do Salnés. Para as vindeiras municipais, Louzán prevé que os populares lograrán revalidar as alcaldías nestes concellos e conquistar as dos tres restantes: Vilagarcía, a Illa e O Grove. En Vilagarcía, Louzán considera que o liderato socialista está esgotado, e confía na posible alianza PP-IVIL para rematar con 20 anos de goberno da esquerda. Na Illa o obxectivo é gobernar por primeira vez por maioría, e no Grove facer valer o seu papel de forza máis votada. En canto á súa continuidade como presidente da Deputación, Louzán deixa a decisión en mans do partido e dos cidadáns. Á marxe das eleccións municipais, durante o almorzo mantido cos xornalistas do Salnés, Louzán e o vicepresidente da Deputación José Juan Durán, repasaron a intensa labor social que realizaron neste ano na comarca, con apoios económicos a colectivos, a xeración e consolidación de emprego e o impulso de proxectos dinamizadores do turismo como as Pousadas do Salnés. Redacción Salnés |
