• Facebook
  • Twitter
  • Rss
  • Plus

A Deputación da Coruña destina trinta millóns de euros o Plan de Emprego Local

Abr 14 Escrito por 
A CORUÑA> A Deputación da Coruña aposta forte en materia de políticas laborais. Este xoves presentábase o novo plan de emprego local ó que o ente provincial destinará trinta millón de euros, ata o ano 2019. O obxectivo é a creación de tres mil empregos directos.
Dende a súa chegada á Deputación da Coruña, o actual equipo de goberno fixou como prioridade a promoción emprego. Con este obxectivo, investirá ó longo da presente lexislatura trinta millón de euros nun plan transversal de emprego que contribuirá á creación de tres mil postos de traballo tanto no ámbito público como no privado. No primeiro, aportará unha importante inxección ós concellos para a contratación de persoal municipal. Con respecto á iniciativa privada, incentivarase o emprendemento e a contratación de persoal a través de axudas a pemes e autónomos. Malia que o emprego non é competencia directa das administracións provinciais, dende a Deputación da Coruña aposta por unha estratexia global para facer fronte á lacra do paro que debe incidir nos colectivos con maior risco de exclusión laboral. Trátase dun plan moi ambicioso que multiplica por seis os recursos que se viñan destinando ó fomento do emprego. Ademais, dende a entidade traballan xa para conseguir fondos doutros organismos, acolléndose ós distintos programas europeos de emprego.
Etiquetado como Coruña    Deputación A Coruña    Emprego   

Artigos relacionados (por etiqueta)

  • Os alumnos do Galaxia achegánse ó autoemprego a través do viveiro de empresas
    RIBEIRA> A cámara de comercio de Santiago promove o emprendemento a través dun ciclo de charlas nos centros educativos de Ribeira. Este xoves eran os estudantes de Bacharelato do Colexio Galaxia os que se achegaban as experiencias dos emprendedores a través dunha visita ó viveiro de empresas.
  • Mar destina máis de 200 mil euros ó proxecto do centro de visitantes ría de Muros-Noia
    NOIA> O delegado territorial da Xunta na Coruña, Ovidio Rodeiro, visitaba a localidade para coñecer este proxecto que estará situado no edificio do antigo Casino.
  • A Xunta inviste 200.000 euros en colexios de Porto do Son
    PORTO DO SON> A Xunta de Galicia, a través da súa área de Educación, vén de investir un total de preto de 200.000 euros en distintos centros escolares do concello de Porto do Son. Esta mañá o Delegado Territorial na Coruña, Ovidio Rodeiro, visitou algunhas das melloras realizadas. 
  • A Deputación de A Coruña presenta a súa aposta turística en Madrid
    MADRID> Durante esta xornada inaugural da Feira Internacinoal do Turismo en Madrid, a Deputación da Coruña foi unha das entidades máis madrugadoras en dar a coñecer as súas aposta turísticas para este novo ano. No acto desta mañá, promovido pola área de Turismo da Deputación, deleitouse ós asistentes coa presentación  da diversidade coa que nos agasallan os camiños coruñeses. 
  • Eli Ríos coa obra 'Luns' faise co Torrente Ballester en galego
    BARBANZA> O premio, convocado pola Deputación da Coruña, está dotado con vinte e cinco mil euros, o de maior contía dos convocados en lingua galega. O xurado, composto por Ramón Nicolás Rodríguez, Mercedes Queixas Zas, Eva Moreda, Ledicia Costas e Mario Regueira, con Mercedes Fernández-Albalat de secretaria e Goretti Sanmartín de presidenta, daba a coñecer esta mañá a súa decisión. Da novela destacaron que está construída arredor dunha protagonista que é unha “personaxe feminina perfilada con solvencia que se bota un pulso a si mesma ante unha situación vital dramática”. Ademais o xurado valorou na obra de Eli Ríos a súa “capacidade de reflexionar sobre as duras circunstancias que acontecen na súa vida, cunha perspectiva de xénero, tecnicamente innovadora, exposta nunha corrente de consciencia que conmove o público lector”. A decisión tomouse por maioría despois dun prolongado debate entre dúas novelas finalistas. Luns convértese así na obra gañadora do primeiro Premio Torrente Ballester que se convoca en modalidade só para lingua galega. A novela impúxose sobre as dezaoito obras finalistas, das 101 presentadas ó certame. Unha cifra que duplica o ano que máis novelas en galego se presentaran a este premio, ó que, ata o de agora, podían concorrer conxuntamente obras en galego e español. O vindeiro martes, día 20 de decembro, está previsto que se dea a coñecer a novela gañadora do XXVIII Premio de narrativa Torrente Ballester para obras en español.
  • A Deputación da Coruña destina 74 millóns ó seu novo plan de apoio ó concellos
    A CORUÑA> Axudar a sanear as economías municipais ou favorecer o mantemento do emprego local son algúns dos obxectivos do novo plan que impulsa a Deputación da Coruña para apoiar ós concellos. POS+2017, así se chama o programa, está dotado con 74 millóns de euros.   
HomeBARBANZA - NOIAA Deputación da Coruña destina trinta millóns de euros o Plan de Emprego Local Top of Page

Síguenos en facebook