• Facebook
  • Twitter
  • Rss
  • Plus

Giving Tuesday: a alternativa solidaria ó Black Friday

Nov 29 Escrito por 
BOIRO> “Un día para vivir a inigualable sensación de dar”, é a esencia do Giving Tuesday. A alternativa solidaria dos consumistas Black Friday e Ciber Monday,celebrouse hoxe en todo o mundo invitando á doazón a todo tipo de causas. Da man dunha boirense coñecemos hoxe unha desas boas causas, a da ASEM Galicia.   
    Tralo boom consumista comezado polo Black Friday do pasado venres, e o Ciber Moday de onte e os seus descontos online, hoxe chega  a quenda do Giving Tuesday, é dicir, “Martes para dar”, Un proxecto global que buscar converterse nunha alternativa solidaria ós días para mercar. Desde Grandes oenegués, ata pequenas fundacións, convidan hoxe a colaborar con causas solidarias, pero tamén impulsar doazóns de sangue, de médula, de alimentos, roupa..só hai que elixir unha causa, e dar. A recadación do Giving Tuesday representou o ano pasado só o 0,1 por cento das vendas do Black Friday. Hoxe, podemos reverter este dato. A boirense Tamara Vila é tesoreira nunha desas asociación que hoxe nos ofrecen a posibilidade de dar a quen máis o necesita, neste Giving Tuesday.  Trátase de ASEM Galicia, a Asociación contra as Enfermidades Neuromusculares. Cando Tamara tiña 19 anos, diagnosticáronlle unhas das  máis de 150 patoloxías neurolóxicas que existen, e que se caracterizan pola perda da forza muscular. En Galicia 3.000 persoas padecen unha enfermidade deste tipo, e por iso ASEM quere que coa túa axuda poidan conseguir un pouquiño máis de autonomía. Ante os problemas de mobilidade que padecen persoas como Tamara, a través do Giving Tuesday, ASem Galicia quere conseguir dous dispositivos tecnolóxicos que lles permitan realizar actividadespara nós tan cotiás como asearse, comer ou acceder a un ordenador. Tamara pode apoiarse cada día no seu marido, pero un bo xeito de celebrar este día Giving Tuesday, é aportar o noso gran de area a axudar a que persoas coma ela non teñan que depender de alguén en todo momento. Aínda quedan unhas hora para entrar na páxina www.asemgalicia.com e facelo, ou en www.givinstuesday.es e elixir a túa causa. E o máis importante, para “vivir a inigualable sensación de dar”, como reza o lema deste proxecto, non só podes facelo este “martes para dar”, no ano hai 365 días cheos de persoas que necesitan recibir.  
     
Etiquetado como Barbanza    Boiro    giving tuesday    dar    Solidariedade    asem galicia    tamara   

Artigos relacionados (por etiqueta)

  • Os fogos do Nazareno foron aprazados para o sábado por mor do tempo
    POBRA> A Pobra despediu onte pola noite as festas do Nazareno despois de catro días de celebracións. Polo día, como vén sendo tradición, a xornada estivo dedicada especialmente ós máis pequenos. Aínda así boa parte das actividades previstas no programa víronse condicionadas por mor do tempo. Xa pola noite a chuvia, que caeu por momentos a mesta néboa, obrigaron tamén á suspensión da gran tirada de fogos artificiais no paseo do Areal, que pon o broche final ós festexos. A comisión de festas do Divino Nazareno decidiu a última hora aprazar o espectáculo pirotécnico para a noite do sábado. Si se mantivo a verbena, a cargo da orquestra Olympus que reuniu na Praza Maior a multitude de persoas.
  • Hostaleiros de Ribeira recadan 650 euros en favor de SOGAPS
    RIBEIRA> Na iniciativa colaboraron oito establecementos da localidade que destinaron o 10% da caixa feita o pasado sábado 2 de setembro a partir das once da noite. Este é o momento no que Antonio Lijó, en nome dos hostaleiros dos oito establecementos que participaron nesta iniciativa lle facía entrega do cheque á presidenta da Asociación Solidaridade Galega co Pobo Saharaui, Maite Isla. A axuda, que ascendeu a uns 635 euros, foi recadada durante a noite do pasado sábado 2 de setembro e corresponde co 10% da caixa feita neses locais despois das once da noite. A iniciativa tivo tamén unha gran acollida entre os clientes. Dende SOGAPS agradeceuse a iniciativa e a colaboración por parte deste grupo de hostaleiros de Ribeira. A axuda será destinada a un proxecto deportivo máis ambicioso que ten previsto poñer en marcha a entidade. Os oitos locais que participaron nesta campaña foron o Bar Plaza, A Recoveira, Ventos Vellos, O Niño do Cuco, Oliver & Stanley, Chiringuito Pedra Pateira, A Galeguiña e O Noite Lounge.
  • Detido un veciño de Escarabote por cultivo de marihuana
    BOIRO> A Garda Civil localizou unhas once plantas de marihuana nunha finca da súa propiedade no lugar de Vistaverde. No marco da denominada operación ‘Vistaverde’, axentes da Garda Civil de Boiro procederon á detención dun veciño da localidade, con iniciais J.L.O.I., de 40 anos coma presunto autor dun delito de cultivo e elaboración de droga. As investigacións realizadas deron como resultado o comiso dunhas once plantas de marihuana que o prendido cultivaba nunha finca da súa propiedade situada no lugar de Vistaverde, en Escarabote. No operativo tamén se lle incautou dunha caixa que contiña ó redor de cincocentos gramos de brotes desta planta. Segundo informaron fontes do propio Instituto Armado o valor da marihuana incautada podería acadar os 6.200 euros. Os feitos xa foron postos a disposición do Xulgado Número 1 de Ribeira que é o que instrúe as dilixencias.
  • Rianxo acollerá unha proba do Open de Andainas de Media Distancia
    RIANXO> A cita, organizada polo Club de Montaña do Barbanza Vintedouspés, terá lugar o domingo primeiro de outubro. Os afeccionados ó mundo do sendeirismo terán unha cita o próximo domingo 1 de outubro en Rianxo. Organizada polo Club de Montaña do Barbanza Vintedouspés desenvolverase unha camiñada de 25 quilómetros de percorrido. A proba, incluída no cuarto open de andainas de media distancia da Federación Galega de Montañismo, partirá ás nove da mañá dende a zona de Campo Maneiro. Tamén haberá un percorrido alternativo de quince quilómetros para aqueles participantes que non desexen realizar a proba completa. Dende o Concello, que colabora co Club na organización da andaia, animaron a participar nesta proba que discorrerá por espazos de gran beleza paisaxística como poden ser a Muralla, ou o mirador de castro Barbudo. As persoas interesadas en asistir poderán inscribirse ou obter máis información na dirección andaina25barbanza.blogspot.com ou no teléfono 609 071 273.
  • O alcalde de Ribeira intenta acelerar a posta en marcha do cuarto xulgado
    RIBEIRA> Os datos presentados na memoria anual do Tribunal Superior de Xustiza de Galicia deixaron patente a sobrecarga de traballo que se dá nos xulgados ribeirenses. Hai varios meses durante a visita que realizaba ó xulgado ribeirense o conselleiro de Presidencia, Administracións Públicas e Xustiza, Alfonso Rueda, este mesmo se pronunciaba ó respecto da necesidade dun cuarto xulgado. Segundo el todo dependería do grao de traballo no momento en que se coñecese o número de novas sedes xudiciais correspondentes a Galicia. Unha posibilidade que agora, ó coñecerse a memoria anual do Tribunal Superior de Xustiza de Galicia, volve a cobrar forza. É máis o rexedor ribeirense xa se puxo mans á obra para intentar acelerar a súa posta en marcha.
  • O BNG pide que o Concello asuma a xestión directa da piscina da Cachada
    BOIRO> A solicitude dos nacionalistas prodúcese despois do vencemento do contrato coa empresa encargada do servizo e antes de que se saque novamente a licitación. Atendendo ás demandas dos propios usuarios das instalacións que dende hai tempo veñen manifestando as súas queixas polo mal funcionamento da piscina, o BNG solicitará no vindeiro pleno que o Concello asuma a xestión directa do complexo deportivo da Cachada. Para os nacionalistas esta sería a mellor maneira de garantir a calidade do servizo á veciñanza, xa que as empresas privadas só pensan no seu beneficio económico. Fano precisamente agora unha vez concluído o contrato coa empresa e cando o equipo de goberno ten previsto sacar a concurso unha nova licitación. Dende a formación frentista sinalan que as críticas polo mal funcionamento das instalacións non van contra o seu persoal, que si cumpre co seu cometido, que mesmo coa municipalización do servizo vería mellorado tamén as súas condicións de traballo.
HomeBARBANZA - NOIAGiving Tuesday: a alternativa solidaria ó Black Friday Top of Page

Síguenos en facebook