VILAGARCÍA > A crise do sector e a posta en marcha da DOP levan a Ramón Dios a presentarse de novo á presidencia do Consello do Mexillón de Galicia.
{flowplayer}images/salnes/RAMONDIOS.flv{/flowplayer}
VILAGARCÍA > A crise do sector e a posta en marcha da DOP levan a Ramón Dios a presentarse de novo á presidencia do Consello do Mexillón de Galicia.
O presidente do Consello Regulador do Mexillón de Galicia lamentou hoxe a falta de entendemento que hai no sector. Ramón Dios falou para o programa InforMAR onde se amosou moi molesto polos comentarios xurdidos trala morte do presidente de AMESA, Paulino García, que vinculan o suceso co conflito entre Pladimega e outras organizacións de bateeiros. Ramón Dios afirma que os incidentes dos últimos días en diferentes portos galegos demostran que a situación do sector non está normalizada. Pide ás partes que afronten o problema e considera primordial o diálogo.
Esta situación unido á posta en marcha da Denominación de Orixe Protexida para o mexillón de Galicia, son os motivos que fixeron recapacitar a Ramón Dios á hora de deixar a presidencia do Consello Regulador. O día 19 haberá pleno e convocaranse eleccións. A decisión non é definitiva, pero si moi probable. Ramón Dios afirma que conta xa cun importante respaldo da produción e que está a pulsar o apoio de comercializadores, transformadores e depuradores. Así o indicou para o programa InforMAR, que poderán ver mañá ás once menos cuarto da noite.
Redacción Salnés
