RIBEIRA> O incremento dos roubos que se están a rexistrar no polígono industrial de Xarás xerou unha certa alarma entre os propietarios das empresas.
{flowplayer}barbanza/inseguridadexaras.flv{/flowplayer}
Segundo informou o presidente dos empresarios de Ribeira, Xosé Paz, o polígono industrial de Xarás está a converterse nun branco fácil para os ladróns. Ademais dos roubos de combustible nas empresas automobilísticas e mesmo de maquinaria, ultimamente estanse a rexistrar sustracións nas oficinas das empresas.
Máis seguridade
Esta situación levou ós corenta propietarios que teñen os seus negocios en Xarás a busca run mellor sistema de seguridade. Este pasaría polo incremento dos medios de vixilancia, como un posto de control e mesmo un sistema de video pechado concectado coa policía. Para a súa implantación contan co apoio do concello de Ribeira aínda que, indubidablemente, suporá un custo importante para cada un dos empresarios.
Antes de adoptar novas medidas de control agardarase á próxima constitución da comisión xestora de propietarios do polígono para establecer o número de metros cadrados que ocupa cada empresa, en función dos cales se realizará unha estimación do gasto aproximado que deberá realizar cada empresario.
Redacción Barbanza
