PONTEVEDRA> No primeiro semestre deste ano, a provincia de Pontevedra sufriu unha perda de máis de sesenta e oito mil visitantes, o que supón un…
{flowplayer}images/salnes/300709_observatorio_turismo.flv{/flowplayer}
… catorce por cento menos. Con todo, o turismo está a resistir mellor a crise económica que outros moitos sectores. Estas son as primeiras conclusións que se tiran do primeiro informe feito público polo Observatorio Turístico do Padroado de Turismo Rias Baixas da Deputación de Pontevedra. O seu presidente, José Manuel Figueroa, resumía o contido deste estudio, xunto co presidente do ente provincial, Rafael Louzán. De toda esta información dedúcese o perfil do visitante maioritario que se achega ata as nosas terras.
A maioría dos turistas que nos visitan prefiren pernoctar en hoteis; aínda que neste ano, a ocupación hoteleira sufriu un baixón considerable fronte a outras ofertas de aloxamento máis asequibles como poden ser os campings. Por Concellos, un dos que mellor capea o temporal é Sanxenxo que rexistrou nestes primeiros seis meses o descenso menos acusado, de en torno a un 2 % menos. Outro dato relevante fai referencia a importancia exponencial que cada día conquire internet á hora de escoller un destino turístico.
Con datos coma este, o Padroado de Turismo Rías Baixas afinará de agora en diante as súas estratexias para mellorar as súas propostas turísticas na provincia. De agora en diante, este Padroado publicará secuencialmente os datos obtidos nos sucesivos estudios cada quincena, para axudar ó mellor desenvolvemento do sector turístico.
Redacción Salnés
