O temporal provoca a caída dun muro en Vilanova

    muro_caido100.jpgVILANOVA> O temporal desta madrugada causou varias incidencias na comarca. En Vilanova, o vento e a chuvia provocaron a caída total dun muro.

    {flowplayer}images/salnes/MURO_CAIDO.flv{/flowplayer}

    VILANOVA> O temporal chegou con fortes chuvias e ventos que superaban, nalgunhas ocasións, os 110 Km/h. Segundo os membros de Protección Civil de varias localidades do Salnés, as incidencias máis comúns foron a retirada de contedores da calzada, o atasco de canalóns e a caída de tendido eléctrico, especialmente, do Nadal.

    En Vilanova, o vento foi capaz de tirar, na súa totalidade, un muro que caeu sobre dous coches que estaban aparcados ó seu lado. Por sorte, nese momento non pasaba ningunha persoa preto, polo que non se teñen que lamentar danos persoais.

    Segundo a Axencia Estatal de Meteoroloxía, o risco de temporal vai continuar ata o mércores, aínda que se reducirá a alerta. Protección Civil pide a cidadanía que evite, o máximo posible, coller o coche estes días, e se o fan que extremen a precaución pola gran cantidade de auga que poden atopar na estrada.

    Redacción Salnés