PONTEVEDRA> O escritor Xosé Neira Vilas ou o médico da selección española de fútbol foron outros dos galardoados nos Preimos Deputación
{flowplayer}images/salnes/PREMIOS_DEPUTACION.flv{/flowplayer}
Unha inspiración e un exemplo a seguir. Así definiron as autoridades presentes no Salón de Plenos do Pazo Provincial ós premiados. Con estes galardóns, a institución provincial recoñece os méritos de persoas, empresas e agrupacións polos seus servizos a Pontevedra en diferentes eidos.
A Confederación de empresarios da provincia recolleu a medalla de ouro da Deputación, a máxima distinción entregada onte. Con ela, recoñécese o labor da agrupación en prol das empresas no contexto de crise.
Nos premios honoríficos, o escritor Xosé Neira Vilas foi recoñecido na categoría de Cultura e Artes. No ámbito deportivo recoñeceuse a Juan José García Cota, médico dos campións do mundo de fútbol, que compartiu o galardón co Coruxo Clube de Fútbol.
No eido do labor social, o galardón foi para a Asociación Juan XXIII, polo seu traballo para a integración de persoas con discapacidades, mentres que a firma Pórtico foi premiada na categoría empresarial por expandir internacionalmente o comercio pontevedrés.
En Turismo recoñeceuse o labor da aloitadora de Sabucedo Palmira Moreira pola conservación e potenciación da Rapa das Bestas.
Redacción Salnés